sexta-feira, janeiro 26, 2007

MEDIOS DE COMUNICACIÓN E INTOXICACIÓN

O tratamento dado por algúns medios ao tema dos enfrontamentos entre supostas bandas en Alcorcón da conta do perigoso que poden chegar a ser os medios de comunicación á hora de crear opinión entre a sociedade.

Dramatizar até o extremo, focalizar a problemática nas supostas "bandas latinas" e dar por feito cuestións que dende as autoridades competentes se negan só conduce a estender na sociedade o racismo, o odio e o medo. Tal e como recollían de xeito moi intelixente nesa maravillosa serie de animación "Familiy Guy" ou "Padre de Familia" na traducción en español, cando unha locutora de TV daba a nova "a policía di que o incendio podería ser fortuíto pero o meu produtor di que foi provocado por un extrano monstruo azul" (ou algo así).

Trátase de vender e semella que iso non coñece límites éticos, mesmo o que se pon en xogo a estabilidade social. Non se pode facer nada ao respeito?

quinta-feira, janeiro 18, 2007

XORNALISMO

Hai varias disciplinas onde a manipulación se fai arte, unha delas é o xornalismo. As sutilezas ás que se presta a linguaxe fan do xornalismo unha campo fecundo para trasladar unha opinión subxectiva envolto en obxectiva práctica xornalística.

Por exemplo, La Voz de Galicia. Nesta nova podemos ver como o segundo titular afirma tallantemente "El PPdG y el BNG intentan culparse mutuamente del resultado de las negociaciones". Esta contundente afirmación extráese, como podemos ver no desenvolvemento da nova, do seguinte: "De este modo, el nuevo Estatuto queda aparcado sine die , algo de lo que tanto Anxo Quintana como Núñez Feijoo empezaron a culparse tímidamente".

Escoitando aos voceiros parlamentares de cada un dos partidos máis tarde a realidade é que o BNG e o PSdG acusan ao PP e viceversa.

Sen embargo La Voz sabe ben o que ten que facer e a quen ten que acusar. Virou segundo lle convén, que o que fai sempre. Nas marxes do provincianismo patético que sempre o caracterizou, claro.

quarta-feira, janeiro 17, 2007

A COPE

Escoito a Cope por casualidade; tertulia nocturna.

Quedo asustado. Creame dúbidas sobre os meus propios prantexamentos: Como pode haber persoas dunha realidade tan próxima que sosteñan puntos de vista tan alonxados aos meus?. Ademáis... se lo creen.

O segundo é pavor... Como pode a ultradereita ter tanta "pegada" nunha sociedade onde a democracia está teoricamente consolidada?...

O terceiro é incredulidade... Como pode haber xente que trague con argumentos tan patéticos, absurdos e infantiles que se resume en que o nacionalismo (periférico) é a raiz de tódolos males e que os que son nacionalistas son parvos, tontos e non saben o que se perden por non querer ser e falar español?

segunda-feira, janeiro 08, 2007

AYMERICH


Tertualia en Localia que presenta e non-modera Geluco (por certo, agora Localia volve usar o galego; escoitaríannos??). Debaten Alfonso Rueda (nº 2 do PP), Ismael Rego e Aymerich sobre o de Eta. O primeiro vai de Doberman e non argumenta nada, eso que agora xa non teñen necesidade, o segundo bastante fai con que non se lle note demasiado que o seu partido está desnortado e desconcertado, o terceiro argumenta con dados, con convicións e con intelixencia. Mesmo corrixe a Geluco, que non modera porque seguramente ten moitas soidades,e que "manda huevos" ten a geta de responsabilizar ao PNV da política seguida polo PP e o PSOE coa sinatura do pacto antiterrorista.

Máis alá das "machadas" que de vez en cando solta e que xa mereceron "amonestación" nesta casa, non sei se por carácter ou por calculado interese, hai que recoñecer a Aymerich como un dos mellores "cadros" políticos no BNG e dende logo no grupo parlamentar.

Prescindir dalguén como Aymerich, do voceiro do grupo parlamentar, non creo eu que sexa adecuado. Outra evidencia de que o resultado da asamblea non foi positivo; ogallá me corrixan os tempos que veñen.

By the way: Geluco até na sopa hoxe mesmo co tema de Eta: na RG, en Localia e na TVG.

sexta-feira, janeiro 05, 2007

SENTIDO DA OPORTUNIDADE

Non cuestiono que as recentes iniciativas do grupo parlamentar do BGN vehiculizadas por Bieito Lobeira teñan o seu interese. Tanto a promoción da galeguización dos nomes e apelidos como o asunto das bonecas, refírome. A cuestión é tamén ter sentido da oportunidade porque, a pouco que un visualice a foto "global", resulta que o BNG aparece como o irmán estrafalario que se adica a propoñer "gallegadas" de calado moi relativo e a facer barullo porque non lle tocan o himno coa gaita. E xa sabemos que por suposto se propoñen outras moitas cousas e se levan a cabo iniciativas tamén de moito máis calado e interese. Pero é que temos que partir da base de que os medios están ao que están e, digo eu, non podemos nós darlle carnaza que ensombre o resto do traballo. Cando o BNG se coñece por eso, e non polo traballo que poida estar desenvolvendo no governo, mal andamos.

Neso tamén temos moito que aprender do PSOE que, por certo, non para de frotarse as mans.

CRÓNICAS DO PAÍS VICIÑO

Esta web apoia á iniciativa dun dominio galego propio (.gal) en Internet Esta web apoia á iniciativa dun dominio galego propio (.gal) en Internet