segunda-feira, abril 27, 2009
sexta-feira, abril 24, 2009
COUSAS DO BNG
![](https://blogger.googleusercontent.com/img/b/R29vZ2xl/AVvXsEjJ5bTaM76nDdOIRNvlyVaAF-eYgG_XbgjgmJiqBZkOWy7ySjnpwsRuuspyPvEG_ftPzpXMAMzTOh55zu2TIG1QNxJBcDeaDAQKKG2Z--YUcUHQLi2yq98ytOQ-pNpH6UAsiPiV/s200/180px-BNG.jpg)
![](https://blogger.googleusercontent.com/img/b/R29vZ2xl/AVvXsEiCz6at7UAhIl9MQyJN92iPuqWbmOhAT19HgbIuFJaW2qKNIwg3DPwkczpW3jB3G_jrBF8mruUFiN9CcU8IGLQ09PpqGLdwb0_JBJwjUHgS-Hsrv6fukcMBuS1G7qdFFhJJ-W7Y/s200/stage_logo.gif)
![](https://blogger.googleusercontent.com/img/b/R29vZ2xl/AVvXsEhzZ4P1zNlcgw2MQrudTTpmPXUpHAUQFn5cdoK_RtV51j3q9e9_v3zjPmFhFUqiqRUd0xpzBtXs1BaZ-LENdqduXkOWd1U1zEULc0--nte3O4sE6AchpOhbIVH-hE8KWEC1e-qy/s200/logo_republica.png)
No organizativo:
Seica é máis o que nos une que o que nos separa. Eu tamén o penso. Penso que as diferenzas ideolóxicas da amplísima maioría dos militantes do BNG non dan para o conto da fronte; se acaso para unha coalición... Sen embargo para alg-úns somo tan guais, tan especiais, tan vanguardistas, tan modelnos, que disque non podemos ser como o PSOE, como o PP, como o PNV, como o SNP nin sequera como CiU. Non, nós non, nós temos que ser diferentes. Coma Die Linke, e coma IU.
Nos prantexamentos ideolóxicos, na oferta política:
Seica no tremendo ostiazo que nos deron os galegos ten moito que ver que quixemos atraer a sectores tradicionalmente conservadores con guiños populistas e que, ao final, non só non conseguimos isto senón que creamos graves descontentos en sectores tradicionalmente "nosos". Eu tamén o penso. Penso que é necesario mudar a táctica, non só facer políticas de esquerda socialdemócrata senón dicir que as facemos. Sen embargo para alg-úns hai que mudar, non a tácticas, senón a estratexia. Uns din (agora) máis esquerda e máis nacionalismo para recuperar aos nosos, que disque hai moitos aí fóra e están agardándonos -como ao fillo pródigo. Outros (mellor dito, "outro") din máis esquerda e máis nacionalismo para recuperar aos nosos e conquistar a outros, que disque hai moitos aí fóra e están agardando pola boa nova da nova esquerda. Como IU os primeiros, como Die Linke os segundos.
Os do 3,8% de apoio social os primeiros, os do 8,7% de apoio social os segundos.